makronar og karamellar

i dag var eg på natas thaimat i måløy og åt middag saman med mamma, brødre og besteforeldre. då vi skulle betale såg eg desse nydelege små pakkane med franske godbitar, og berre visste at eg måtte kjøpe dei. ikkje berre fordi fransk er min store kjærleik eller fordi pakningane var så søte at ein nesten døydde av å sjå på dei, men også fordi makronar er min store svakheit i livet. eg elskar dei. og i vesle nordfjord er det så og sei umogleg å få tak i skikkelege makronar, for ikkje å snakke om makronar i det heile tatt.

sidan eg for tida driv å les alain de button sin essays in love, fann eg ut at eg måtte spare dei til eg fekk lese. kva kan vel vere betre enn makronar og litteratur kombinert? i mi verd; ingenting.

karamellane var så som så, søte, fine, men ikkje det store vidunder. men makronane derimot, var heilt nydelege! dei var verken tørre eller smaklause, men smelta på tunga. så dersom du finn desse makronane på ein kafé eller i ein butikk, kan de kjøpe dei med godt samvit. produsenten er waffel factory as og makronane heiter macarons de Pauline. og som om ikkje det er nok, så ligg dei i den finaste pappeska med teikningar av eiffeltårnet, hjarter, stjerner og oh lalala, Mmmm skrive på. det er fint det.

natas thaimat i måløy er forresten også verdt å besøke, dei har suveren thaimat der, og dersom du er som meg og ikkje et kjøtt eller fisk, så lagar dei kjempegod vegetarmat til deg om du seier i frå i forkant. også er det utruleg fint og roleg der, så berre far dit neste gong du er i nordfjord/måløy området. ok?

bought some macaroons and nougats today. there really aren’t many places to find macaroons in nordfjord, so i was really happy to find some today! the nougats weren’t all that, but the macaroons tasted amazingly. they weren’t dry or tasteless at all, which i feared, since they were packed in plastic. they tasted divine, almost as good as the macaroons i had in france!