1 år og 22 dagars jubileum og superkonkurranse!

Den fyrste oktober hadde bloggen gebursdag, og distré som eg er hadde eg reint gløymt det av. Så difor tenkte eg at vi skulle ha ein lite gebursdagfeiring for å feire dei 387 dagane denne bloggen har vore oppe. Feire alle dei 46 følgerane mine, dei 281 innlegga og ikkje minst dei 1072 kommentarane de har vore så snille og lagt igjen til meg. De får kvardagen til å bli betre, slik at det er sagt.

I samband med dette historiske jubiléet av Photographs and Imaginary Pixies, vil eg arrangere ein konkurranse. Den heldige vinnaren får ein pakke frå meg med godteri, eingongskamera og anna fint + éin ting til, men eg har ikkje heilt bestemt meg endå for kva det skal vere (forslag?). Er de med? For å vinne er de nøydde til å velje éi av to oppgåver, det blir trekt to vinnerar, ein for kvar oppgåve, lenge leve rettferd!.

Oppgåve 1: Ta eit bilete som beskriv eitt av desse orda;

1. Sårbarhet

2. Morgon

3. Vinter

De står heilt fritt til å tolke oppgåva som de sjølv vil, framlengs, baklengs og sidelengs. Det fins ingen fasittsvar!

Oppgåve 2: Skriv ein tekst som fortel om noko som er umåteleg vakkert. Det kan vere kva som helst, så lenge du syns det er fint. Sjanger spelar ingen rolle og det er ei opa oppgåve.

Fristen er 2.november, for då har bror min bursdag og det verkar som ein fin dag å avslutte på. Bidraga sender de til meg via e-post: kristinaaurore@live.com. Håpar eg får mange svar og at de er positive til dette! Klar, ferdig, GÅ!

Foto: linka til kjelde